青雲社 Ching Wan Society

社團條例第 151 章 第 5 條

使命 以愛傳愛、助人自學、創造和諧社會。
願景 青雲社要成為一個以愛傳愛、關心社區、服務有需要社群,而具代表性的義工服務團體。
核心價值 青雲社是一個獨立自主、助人自學、有愛、有使命感的團體。
成立宗旨

1. 以慈善形式幫助香港有需要人士,包括貧困人士、弱勢社群及老弱婦孺;

2. 透過推動義務工作提升香港市民的公民意識;

3. 培養義工的個人潛能,以提升義務工作的質素;

4. 為香港義工提供義務工作交流的平台。  

青雲社成立於一九九七年三月十五日,由一群來自社會不同階層、不同背景,但均以服務社會為目標的青年人所組成的義工團隊, 以沒有宗教及政治背景, 非單一服務對象, 完全獨立自主, 以協助社會弱勢社群及社員成長為核心信念而成立.

青雲社以往籌辦及服務過不同的對象及服務類別, 如: 在囚人士, 獨居長者, 院舍長者, 長者理髮, 殘障人士, 智障人士, 單親家庭, 親子服務, 兒童之家, 精神病康復者等等。同時亦會舉辦眾多的社內活動讓社員互相認識, 建立團結及默契,過往舉行過訓練營, 週年大會, 義工交流會, 工作坊, 汽球扭紥班, 燒烤, 行山, 踏單車, 釣墨魚等。

這個網頁詳細介紹了青雲社之歷史、各項活動,以及帶給各位義工最新的資訊,包括開會時間及活動詳情,請大家細心查閱。

請按此處下載我們的介紹小冊子



青雲社 Face Book

 



《我要讚讚你:義工用絲帶以愛傳愛》– on.cc東網

愛.行動 2015 東方採訪

原文 :
我要讚讚你:義工用絲帶以愛傳愛 http://hk.on.cc/hk/bkn/cnt/news/20150328/bkn-20150328112521828-0328_00822_001.html

我要讚讚你:籲港人不要愛得太遲 http://hk.on.cc/hk/bkn/cnt/news/20150328/bkn-20150328112506938-0328_00822_001.html

細路義工隊》第8集 小小小廚神 — ViuTV

青雲社喺2017年10月21日舉行了「小小小廚神」活動,同小朋友一齊整嘢食,並親手將愛心食物送到長者地區中心。讓小朋友從小學會服務他人,以愛傳愛。
當日我地仲好榮幸穫得ViuTV邀請,將呢個咁有意義嘅服務拍攝成節目。
請大人細路一同收看,一齊嚟分享做義工嘅樂趣啦!
睇片在此



日期︰2021年12月8 (三)

時間︰下午8時30分至11時



有無想像過自己變成老人家後的生活係如何?當身體機能越黎越差,得番自己一個住,連落街買餸都係一個挑戰時,你最希望有咩支援?

過去一年,樂街的服務話比我地知,對於呢班住係深水埗的獨居及雙老長者黎講,義工陪伴佢地落街,去公園、去超市、去中心,讓被困在家的長者可以接觸陽光、與人有連繫、再次投入社區,令佢地可以有選擇地過一個有質素的生活。簡單一個上晝的時間,就能為呢班長者帶黎快樂同滿足,你的出現真係非常重要呀!

今次除咗一眾已經參加過義工訓練嘅義工之外,我哋亦都希望可以有新嘅參加者,夥拍已有經驗嘅義工,以服務更加多嘅長者,令更加多長者可以落到街。快D黎報名啦!

服務機構:鄰舍輔導會深水埗康齡社區服務中心
服務對象:獨居/雙老長者
義工人數:20人(以二人一組形式探訪一戶長者)
義工角色:協助並陪伴行動不便長者外出活動,讓他們連繫社區,與其他長者建立關係,並帶愛與關懷給他們.

陪伴長者落街(12月)
陪伴長者落街(2022年1月) 陪伴長者落街(2022年2月)
12月18日 (星期六) 1月8日(星期六) 2月26日 (星期六)
09:15am-12:30pm 09:15am-12:30pm  09:15am-12:30pm

注意事項:
1. 須準時出席活動
2. 服務時須穿著社衫

防疫措施:
1.  服務前社員需要量體溫及填寫健康申報表,本社及合作機構有權拒絕義工參與該節活動
2. 服務期間社員須戴上口罩,進入中心及被訪者家前需使用消毒搓手液清潔雙手;如有需要中心可提供面罩

[網上報名]



疫情過後,小朋友係今個學期終於正式開學啦。對小朋友來講,今學年要重新適應學習真係一D都唔容易。更何況係有特殊教育需要 (SEN) 的小朋友,相信小朋友同照顧佢地的家長都倍感壓力。
今次呢個活動係想給需要照顧兒童的家庭一個放鬆的下晝。可以俾家長們一啲 “me time” 之餘,又可以俾小朋友一啲 “fun time“。可讓小朋友跟父母透過活動加深了解彼此內心世界的體驗日❤️
我哋需要有愛,想支持小孩和家長的你一齊黎幫手,快啲報名參加啦!

服務機構:香港小童群益會
服務對象:8組有SEN小朋友的家庭
義工人數:8位
活動日:12月5日(星期日)
活動時間:13:30-16:30
地點:香港小童群益會賽馬會將軍澳青少年綜合服務中心
集合時間:13:15
集合地點:寶琳港鐵站

我哋會安排一節training 俾義工了解如何同SEN小朋友相處,及學習如何支援他們。
Training 日:11月26日(星期五)
時間:20:00-21:30
地點:Online by Zoom

義工角色:
1. 陪伴及帶領兒童參與遊戲

2. 協助協調親子活動

注意事項
1. 須準時出席活動

2. 服務時須穿著社衫
防疫措施
1. 服務前社員需要量體溫及填寫健康申報表,本社及合作機構有權拒絕義工參與該節活動

2. 服務期間社員須戴上口罩,進入中心前需使用消毒搓手液清潔雙手

**SEN(Special Educational Needs)即特殊教育需要。SEN 學童主要類別包括:1. 特殊學習困難(包括讀寫困難及資優)、2. 專注力不足及過度活躍症(ADHD)、3. 自閉症、4. 言語障礙、5. 聽障、6. 視障、7. 肢體傷殘、8.智力障礙

[網上報名]



登登~ 我哋嘅聯誼活動又來啦!
我哋12月嘅聯誼係和諧粉彩工作坊

相信唔少人都有聽過和諧粉彩(Pastel Nagomi Art),佢嘅創立人係日本人,細谷典克先生有見社會壓力太大,希望透過簡單嘅粉彩工具同材料,製作出美麗和諧嘅畫作,為世界上更多人減壓同時,用藝術帶黎和諧同埋豐富嘅生命。

體驗班十分適合新手參加,沒有年齡同埋藝術製作經驗上嘅限制~ 快啲報名體驗下啦~

和諧粉彩體驗班
日期:11/12/2021(星期六)
時間:上午11:00-下午12:30
地點:泰人恩福服務中心(九龍城衙前圍道35-37號一樓)
費用:全免
人數:10

[網上報名]



義工交流會是每位準社員都必須出席的,目的是交流義工態度和守則及了解本社。我們亦歡迎社員參加,可以與新舊義工互相分享經驗,溫故知新。

日期:2021年12月4日
時間:1000-1200
地點:網上(Zoom)

[網上報名]




訪問者流量
最後更新日期: 2021 年 11 月 23 日