2010.06.20 – 在囚人士服務感想 ~ By Christine

在囚服務終於結束了,回想當天既一點一滴真係好開心好興奮。

由2012.02.12既介紹會到2012.06.17既服務,計算起來有四個月零5天,係呢段時間裡面我地為的就是06/17 既表演,真係台上一分鐘,台下十年功 (誇張左少少)。

開始既時候,同一班不相識既義工去討論活動細節,到最後活動綵排既每星期見面,甚至一星期見兩三次,真係見佢地仲多過屋企人。 雖然放左工得返半條人命,但睇住大家既熱烈討論和投入綵排真係好興奮,咩叫做攰都唔記得囉。

終於來到服務當天,期待了很久既日子黎喇。 出發之前有少少緊張,但係好快消失,因為隨之而來的是期待。 不知場地是怎樣,不知觀眾是如何,好想時間快D過。

表演開始了,我覺得我地全team人真係做到投入、興奮。 雖然第一節台下反應不是太熱烈,但台上既我地冇受到影響,繼續瘋狂。 到第二節台下觀眾多左,氣氛亦較熱烈,更令我地high爆。 差不多兩個鐘頭過去,服務完成,感覺就係好開心、好興奮同埋…好熱。 當班”朋友仔”回去時拋下一句”你地做得好好”同埋笑住說Bye Bye 時,感覺……好好。

記得在表演時,有留意台下既反應,見到有些人好投入,亦有些人比較沉默,但願他們都能感受我地帶出既歡樂信息,並且繼續強落去。

好耐冇試過咁high去做一個兩個鐘頭既活動,真係有D攰。 而腦海中不斷浮現當時既情景,亦會無端端哼起D歌。 我真係好enjoy個表演,多謝你地(一班四個月黎常常見面既team members),多謝宏同Con既支持、付出(活動初期既遊戲好好玩),仲要多謝在台下睇我地表演既”朋友仔”同埋班阿Sir,冇你地任何一個人個show都唔會咁成功。

P.S. 大欖懲教所canteen既食物幾好食架喎


訪問者流量
最後更新日期: 2017 年 06 月 22 日