Archive for the ‘義工服務’ Category

網頁設計師招募

Monday, December 10th, 2018

號召,號召~
如果你識得網頁設計, 咁就啱喇,我哋需要你呀!! 

依加我哋招募緊網頁設計員, 幫我哋將青雲社嘅網頁整得更靚,更有系統,吸引更多人做義工,貢獻社會 。
將你嘅一技之長發揮出嚟啦~
如果有興趣, 或者有任何問題, 歡迎同你哋嘅聯絡幹事咨詢!

[我要應徵]

2019年5月 ~ 「關愛天使」小學生義工訓練

Tuesday, February 19th, 2019

望緊螢光幕嘅你,係你搵緊義工服務嘅時候喇!!!有冇諗過小朋友可以同你一齊拍檔做義工,同你一齊貢獻社會呢?

其實每個小朋友都有一個寶藏,佢哋都埋藏咗一顆熱誠善良嘅心。而因為有你嘅出現,先可以帶領佢哋去打開呢個寶藏,讓佢哋變得更有價值

嚟緊5月,我哋會舉辦一個小學生義工訓練活動,透過講解基本義工概念及態度、共同策劃及進行義工服務,讓小朋友認識義務工作同學習付出!

我哋需要小組組長,去帶領小組內不同性格特質嘅學生,同佢哋一齊遊戲,一齊學習、一齊成長。快D報名啦!一班小朋友等緊你呀!!!

服務機構:保良局林文燦英文小學

服務對象 : 25-30位小學生

義工人數 : 15位義工

活動詳情︰

 

注意事項:
1
)社員必須穿著社衫出席服務;
2
)社員必須準時出席服務,逾時不候!

3)參加義工需具備基本英語溝通能力。

【截止報名】

6月2日 (日) ~ 「青。新。夏日樂無窮」(名額已滿)

Tuesday, May 7th, 2019

霎眼間又到夏天啦!炎天暑月,唔知大家又準備點過呢?
今次青雲社再次與屯門新生合作,同院友們一齊迎接炎炎夏日!我哋會一齊製作夏日小手工,讓新生院友們可以在整個夏天裡都用得著佢哋嘅製成品。
另外,我地仲會玩下遊戲、嘆下茶、食件餅、傾下計!
現在邀請你地一齊黎夏日「青。新」下,讓我地一齊吃喝又玩樂啦!
唔洗諗喇!快D報名啦!

服務機構:新生精神復康會 屯門長期護理院 
服務對象:院舍內 之 精神病康復者
服務日期:2019年6月2日(星期日)
服務時間:當日下午2時30分 至 下午5時正
服務地點:新生精神復康會 屯門長期護理院內
集合時間:當日下午1時45分
集合地點:港鐵兆康站 美心西餅店外
義工人數:約16位義工

注意事項:
~~~ 社員必須 穿著社衫 及 準時出席 服務 ~~~

[名額已滿,加入候補名單]

6月22日(六) ~ 躍起來!樂智活力嘩啦啦!

Friday, May 10th, 2019

👦🏻: 做義工好開心架😍

👩🏻: 成日聽你地咁講, 到底有幾開心呢?

👦🏻: 想知有幾開心,咁一定要嚟呢次樂智嘅服務喇! 今次會同埋學員一齊搞個運動會,挑戰唔同既運動項目,之後仲會一齊做手工添!見到學員玩樣樣遊戲都好投入, 又同我地傾計一齊大笑, 嗰種簡單既快樂, 係會好令人回味㗎!

👩🏻: 原來係咁~咁即係唔單止我哋服務佢哋, 佢哋都帶緊歡樂比我哋喎❤

👦🏻: 完全正確! 想感受呢種從心嘅快樂同互動,記得預留時間出席喇🙋‍♀🙋‍♂

服務機構:樂智協會
服務日期:2019年6月22日(星期六)
服務時間:當日下午2時正 至 下午4時正
服務人數:30位輕度至中度智障人士
集合時間:當日下午1時15分
集合地點:藍田港鐵站A出口(站內)
義工人數:18位義工

注意事項:社員必須穿著社衫及準時出席服務

[網上報名 ]

2019年7月7日 (日) – 海洋世界嘉年華2019 (名額已滿)

Saturday, May 18th, 2019

🎈🎈特別新聞報導, 在天水圍區發現大量海洋生物, 青雲日報記者到場發現部份海洋生物會說人話, 以下是本報聽到的說話:

疑似鯨魚長老:一個神秘組織搞左個大型嘉年華, 畀佢哋喺’ 保良局天水圍復康中心’嘅朋友仔玩, 我成百歲都過嚟上水湊下熱鬧, 你哋D細蚊仔, 知唔知有D咩?

飛魚小姐:聽講有好多遊戲玩, 有咩人可以反應快得過我?

章魚叔叔: 聽講有魔術小劇場睇, 等我8隻手睇下佢有咩把戲先!

海龜伯伯:聽講有嘢食, 啱我行得慢都可以慢慢歎😊

雞泡魚弟弟:我知道! 開場仲有個女神同你跳返part草裙舞, 仲有還珠格格穿越黎到現場…好期待丫😀

呢個時侯, 刮起一陣強風, 沙灘上出現左一行字:
<Presented by 2018-19服務策劃小組>

咩話? 今次嘉年華你哋人類都好想黎幫手?
見你地咁有心💛💚💙
今次就畀你0 7 0 7嚟開吓眼界啦!!! 手快有手慢冇喇!!!

服務日期:2019年7月7日 (星期日)
服務時間:下午2時正至5時正
集合時間:下午1時正
集合地點:天水圍西鐵站C出口
服務對象:約50名精神病復康者
服務機構:天水圍保良局復康中心
義工人數:18

注意事項:
*各社員必須 穿著社衫敬請準時出席 服務 ! !*

[名額已滿,加入候補名單]


訪問者流量
最後更新日期: 2019 年 05 月 22 日