2017年12月3日(日) – 互「燦」！We are Running Teams!  林文燦英文小學 

今日終於完成了小學生訓練Day Camp。係我第一次作為籌委而且成功完成的第一個活動。當初參與時，只以為是一個簡單Fun Day Camp。後來活動兩度升級至正規日校訓練營，中左伏添…仲要教團隊合作…好明顯我唔係一個外向嘅人(竟然我教Teamwork…我都O左)。但亦憑著4個籌委(4個傻瓜>.<)不斷努力連夜趕工，終於完成全日Run Down及所有遊戲介紹。點知… 原來呢d中文資料全部要翻譯英文😱…4+1條傻瓜又要把22頁紙翻譯做英文😭。

好想多謝三位拍檔。經驗領導Jack，專業MC小儀同埋默默耕耘嘅 Tinnie。呢兩個星期見你地多過見屋企人😌..昨晚開會 dem games到11點㡬… 今日又由7am踩到5pm。我第一次做MC…多謝經驗MC小儀幫我補左好多溜蕉位。多謝大家包容。

多謝學校社工 Flow Chan，無佢呢個活動唔會hold到。另外多謝一眾組長們 ，特別鳴謝 Ching Tsoi ，Kwong Yin Kwok，Steve Tsang 及 Christine Lee。鼠帶動了最感人嘅解說令小朋友學會原諒，尊重，包容及不要忽略隊友。Tommy 幫忙翻譯及晨早來Set場。Steve 同 Christine即叫即報臨時捱義氣來幫手，好多謝你地來。Christine 個Team就辛苦左一日… 唔知講咩~多謝你~辛苦晒。

我今日見證到很多感動場面，分組遊戲期間，背對背起身見6個小朋友幫助一位有困難的小朋友起身。跳大繩(明知無分仍跳足10分鐘，仍不斷改良) 果份體育精神。搭石過河又會關心後面同學夠唔夠位企T.T。最後團體遊戲拾飛機有同學受傷，其他同學唔玩住一齊等，關心佢有冇事。見到大部份小朋友由起初一盤散沙一步一步學習成為一隊互相合作嘅團隊。當中他們學會互相尊重，體諒，支持，溝通同信任。我相信佢地過左今日有好大得著。義工們包括我自己亦有好深嘅體驗。原來要完成一個活動，真係每一位籌委同義工一個都不能少。

 

另外，想多謝幹事 Zenith 當日招我入青雲社服策隊。起初有d猶豫，但Zenith份人會好快手就勸左我入來,我不斷哦哦哦時，已經不經不覺地入咗服策隊。感恩你呢份衝動同主動踢左我入服策隊遇到你地~

 

雖然我今日好攰但仍想係即日寫上今日嘅感受。Tinnie，小儀及Jack期待之後的活動再度合作。Thanks all~