青雲社曾經舉辦過無數嘅義工服務，相信各位義工係服務中都曾經遇到好多愉快，感動同印象深刻嘅事情，支持你係義工嘅路走下去。

為咗畀更多人知道大家嘅故事，令更多人睇到義工嘅經歷和體驗。我哋今次「青雲義事」感動時刻開心Share活動，收集咗一D義工小故事，並邀請咗本地插畫創作人T with Coffee合作，為我哋繪畫一系列插畫，然後連同大家嘅故事，喺青雲社嘅社交平台上連載，宣揚義工價值，以愛傳愛，感染更多人參與義工服務。