2012.06.22 – 在囚人仕服務後感想 ~ By Ling

今年我係第二年參加在囚人仕服務,感覺比以往來說挑戰更加大但都令到我自己個人都尬2成長及進步。
由2月接受training到諗活動內容到服務都有半年時間。每一個星期大家都會約開幾次會及綵排好多好多次,比見屋企人既時間更加緊密。
後期因為我自己既工作較為繁忙而沒有出席綵排及會議。到左最後一次總綵排,我才揾返大家夾一夾稿跟返所有進度,當總綵排中發現我對話劇既角色仍然未掌握做得好差及較為緊張,但我無因為咁而放棄反而想辦法令自己做得更好,而我身訪既BUDDIES都在我身邊都支持我及協助我,希望我可以在某些位置做得更好。
臨做服務前一個星期,無論我返工收工食飯時間都聽重播重播錄音及不斷做誇張動作,務求自己可以做得更好。雖然我有同事也見到我去練習,也不斷問我搞什麼,也有同事及上司後期知道後也默默地支持我及陪我放工後去練習,呢一切我都好感恩。
做服務前一晚,我透過工作空餘時間繼續練習,但我萬萬都估唔到我班同事及上司也會體恤我第二日做服務也唔需要四點收工變了兩點收工回家休息。
做服務當天,我要多謝Christine,丫菲,Jessie 及Candy佢地morning call我起身。
當大家在懲教員所飯堂用膳後,就準備做下午組服務,我既心情都好緊張,Mantin為左令我個心情無咁緊張,特登同我玩個games(不過都幾變態GAMES,哈哈)正式做服務既第一節,我個人盡量放鬆全程去玩去做,當中都有漏左既時候,但大家仍然互相支持互補不足。到左話劇個陣,我發覺自己比起綵排已經無咁緊張加上大家也鼓勵我及支持我,我都盡演但仍有緊張既情況。
第一節已經完成,之後我地也有檢討。之後第二場也即將開始,一出去就見到現場愈來愈多人,我既心情升到最高。係過程中愈來愈順利,到左話劇我都完全放鬆去演達到我想表達既東西時,我真的好開心。最後到左節目尾聲,又係唱歌時間,竟然會有懲教處長官及朋友仔會同我地一齊唱歌,氣氛愈來愈高漲,更加驅使我地今次呢個服務係成功好有挑戰。當服務完結後,朋友仔竟然同我地說多謝及BYE BYE,心裡感覺到好SWEET。

 

後記︰當我地完結服務,上午TEAM BUDDIES等埋我地,仲有勁SWEET的蘋果。雖然我地既認識短短半年時間,但感覺好似認識左十幾年時間,當中大家都有開心及唔開心及放棄既事發生,但我認識到你地是我的福氣。當中我地習慣一個星期會見大家幾次,而家服務完左都會有依依不捨的情況出現。不過唔緊要,我地仲可以係其他服務見到大家!

 

**最後大家無論日後遇到任何困難,心裡信念係強及勇往直前,所有東西都能做到及達到!


訪問者流量
最後更新日期: 2017 年 08 月 16 日