青雲社第十七屆幹事會從過往1年的義工活動中, 就義工們在各方面的表現及積極的態度, 特此嘉許以下義工在義工範疇的成就及貢獻：

Judith Lam

Judith，喺你身上我睇到好多好好嘅質素，你嘅主動、熱情、投入、承擔。
感恩有你加入青雲社，每次服務都見到你係百分百咁參與。更令人感動嘅係，你係每次完成服務後，會檢視活動內容同主動俾建議籌委，令將來嘅活動更豐富同順利。
欣賞你願意主動付出同貢獻更多，成為多個活動嘅籌委。
因為有你嘅出現，讓呢個社會變得更有愛。感謝你!  

By ~ Jack

 

Judith，認識妳兩年多，每次服務都見到妳的熱心參與和無私付出，到近期亦留意到妳開始負責服務籌委嘅工作，每次開會都見到妳凖備充足，令到會議能迅速完成，真的很難相信妳是籌備服務的初哥，希望妳往後繼續保持積極的態度，感染妳身邊的每一位，加油，並再次嘉許妳。                                   

By  ~ 偉

 

Judith，好開心你成為傑出義工，你唔只讀書叻，工作叻，畫畫叻，連做義工都咁叻！！我真係好欣賞你架。雖然無同你合作過，活動溝通都唔算好多，但好開心聽到有好多人讚你嘅表現好出色，好有熱情同熱血！感恩青雲社有你嘅參與，希望你可以繼續保持住呢團火，貢獻比呢個社會:D                 

By ~ Cherry

 

Judith，你是一個開朗、有責任、有愛心、有耐性的人﹗在過去，看見你的熱心、支持及分享，感謝有你的出現﹗
你的主動，令身邊的人都感受到一顆明亮的心﹗
嘉許你無私的付出，欣賞你對義工活動的熱情﹗
在你身上，可以學習助人自學﹗
要繼續帶動及感染身邊每一位，成就一個有愛、和諧和精彩的人生﹗                                           

By ~ Alan

 

Judith, 好多時都係唔同嘅服務見到你，細心關懷服務對象，對佢地好認真同好有責任感。服務期間你會主動去support大家，服務完成後仲會分享好多感受同意見，為服務增值不少。感謝你一直以嚟嘅無私付出同貢獻，期望你係往後嘅日子可以繼續感染身邊嘅人，為呢個社會帶來更多愛!                 

By ~ Parson 

 

Judith，嘉許你的熱心與真誠，無論大大小小的活動中都有你的參與，而且不單止對服務對象溫柔細心，你的積極和投入，更是讓服務更加精彩豐盛，感恩義工路上能遇上有心有能力有愛的妳~ 因為有你，世界更美。謝謝你的付出及愛~                       

By ~ Sammi 

 

Judith，每次出服務你都全情投入，滿有愛心，充分發揮感染力。不但如此，你更願意嘗試擔任活動籌委，而且很有效率和創造力，令人眼前一亮。希望你繼續發揮所長，為青雲社、為社會、為香港創造更大價值！                                                         

By ~ GaGa

 

Judith，感謝你一直以來為社會和青雲社的無施付出! 很欣賞你的才華(好少人可以同時又叻數理，又叻藝術，又有創意，哈哈!)
好感恩能夠認識你!
好多謝你能主動地為改善服務提出意見及改進方法，雖然與你共同出席服務的機會不多，但亦深深感受到你對服務社區有著一顆熱誠! Keep it up! 好期待未來再同你一齊出席服務!! 🙂                               

 By ~ 伙

 

Judith~ 嘉許你嘅認真投入和有愛，在義工服務中能提出寶貴嘅意見及多方面嘅協助，為我哋嘅服務注入更多生命力及創意，為服務對象帶來更多歡樂。
感恩能夠認識你，你歡樂嘅笑容及對我哋嘅支持亦鼓勵了我。感謝您。                                 

By  ~ Winnie 

 

Judith,當要推選今年嘅傑出義工，我毫不猶豫地想到你。還記得初初認識你時，便覺得你嘅笑容好燦爛、好陽光。尤其係你在小小小廚神時的投入參與，跟小朋友打成一片，充滿感染力的一幕，至今仍印在我腦海中。

之後係越黎越多嘅服務見到你，看到你嘅活力、主動、投入及認真，都令服務生色不少！嘉許你嘅熱誠，嘉許你勇於挑戰不同崗位，由義工、服務籌委、以至幫忙參予接受媒體訪問。嘉許你的主動付出，為服務做到最好！無論你作為義工或是籌委，都是百份百的投入參與。好開心能認識到你。期待你將呢團火繼續燃亮更多的人，創造更多有意義嘅服務！以生命影響生命！加油！                               

By ~ Zenith