上了兩天加埋只有五小時的剪髮速成班，今天便要出席剪髮服務了。慶幸有專業髮型師 Rico 一同出席先安撫了大家緊張的心情。
今次剪髮服務我剪得一個婆婆的頭，其餘時間都趁其他義工在剪的同時同公公婆婆傾計，一來令他們減少緊張，二來透過傾計去了解關心他們，發覺我真的很喜歡同老人家傾計。

同老人家傾計心情都特別開心，記得今天同一位老公公傾計，佢自稱自己＂老鬼＂，原來佢已經九十六歲，同佢傾往事真係獲益良多。你話我哄佢開心咩，其實係佢令到我好開心。

當你去行多一步去主動了解 去關心的同時，原來得著已默默放進心裡了。

後話：今晚我都會幫我麻麻剪頭髮，我相信一定會好開心好溫馨 ^^

服務: 愛心耆義剪髮術 (28/07/2013)