參加咗青雲社嚟一年啦！呢一年參與咗大大小小不同類型嘅義工活動，每個活動都帶有唔同嘅意義，每次做完活動都覺得好充實同好滿足，過程當中我學到好多嘢。 今年參加咗傷健藝墟2018，同傷健義工合作教人整手工，過程中學習到好多平時接觸唔到嘅事，第一次學整蝶古巴特，學咗一次就要教人，所以第一堂就好比心機去學，第二次就正式公開教人，好彩不負眾望，參與者都樂在其中，件件製成品都好靚；第一次畀同伴稱讚我細心，我自問我唔係一個細心嘅人；第一次同傷健人士合作，佢哋真係好叻，好欣賞佢哋超用心去教人。嗰種滿足感非筆墨所能形容。 我做義工嘅目的係希望用自己嘅時間去帶比人快樂，去學習同人相處令自己成長，增強自信心，所以每個義工活動我都非常投入參與。我嘅價值係留比欣賞我嘅人，我嘅自信係係過程中學習成長得黎嘅。好開心我係青雲社嘅一份子。