BIG DAY!GOGOGO!

發夢都估唔到,當初喺地鐵突然諗到嘅 idea, 只係 3 個月嘅時間就成真,青雲社 Big Day 終於順利完成啦!呢 60 名有心義工, 一日到訪 9 間機構, 服務超過200 人, 包括長者、小朋友、失明人士、智障人士&殘障人士, 將好多”不可能”變成”可能”, 全賴有大家嘅配合! 見到大家嘅學習同成長,見到服務對象嘅燦爛笑容同答謝,一齊嘅辛苦都係值得嘅☺ 義工嘅角色係拉近人與人之間距離,

今次見到義工捉實失明人士嘅雙手去扭波,見到義工將小朋友如親生孩子般抱起,見到義工面貼面般同長者做手工,呢 D畫面真係充滿愛❤ 青雲社真係住左一班超有心、年青、有活力嘅專業義工,好慶幸自己加入左呢個大家庭☺希望呢日 Big Day 係屬於參與嘅每一位!

作為今次活動嘅 PIC, 壓力真係好大,好感謝一班籌委嘅包容同付出,每晚開會都開到好夜,又要比我成日捽數🤣 但我想講,好多義工都好感謝我地搞左呢個服務架!多得大家先完成到呢個狀舉!

我地要將!愛同歡樂 !傳開去 !青雲社!BIG DAY!GOGOGO!

分享者 :Tommy Kwok


訪問者流量
最後更新日期: 2019 年 03 月 20 日