白普理視障人士旅行的體驗及感受 ~ by Ling Choi

往年我見到呢個服務,第一個感覺就是驚,因為自己從未接觸過呢類型服務及怕自己粗心大意令到服務對象受傷,所以就一直都唔去參加。

直到上次去完黑暗中的對話親身體驗視障人士的世界後,我就決定報今次的服務。雖然我知道今次的服務名額已經額滿,但我自己都想參加工作坊去了解及學習多一樣東西,最後當然可以同大家一齊出席今次的工作坊及服務。
19/10 的工作坊有學習篇及實踐篇,令我最深刻是實踐去帶視障人士行中心的環境。當時的我除左緊張還要不斷講解周圍有什麼事物又要注意安全,事後檢討原來自己有好多不足可以留意多一點及改善。

1/11 服務當天,我的心情好期待,因為我都想快點見到我的服務對象一齊去今日的旅行。當我見到我的服務對象時,第一句就同我講話她班朋友係其他組她要過去同我班朋友一組,當時我第一個反應就是不如我們返左小組去認識下新的義工新的朋友,最初她扭計唔肯,其後她見到我們小組有一個朋友仔她認識就慢慢願意JOIN返我們小組。
上車出發去第一個景點期間,我同服務對象開頭了解左她是一個弱視人士,期後有數之不盡的話題。到了目的地,我們就不斷行走但我的服務對象就不斷四圍走,我就要不斷留意及我們有幾多時間去參觀,她就話都唔夠時間行。
其後就去食飯,當我的服務對象聽到食完飯可以在商場SHOPPING,心情的確好興奮。之後就是某些原因就取消左SHOPPING這個環節,當然我的服務對象唔開心就不斷嘈,而我就不斷安撫她的情緒還說行到出去有一個好靚海景及酒店的價格,轉移話題。

最後去左香港大學參觀,我的服務對象好多時候就四圍走,而我就好似玩緊捉迷藏去搵返她,有時就扭計就話唔夠時間去睇呢樣個樣。最令我最深刻是她見到有大學有STARBUCK,就不斷問我STARBUCK在哪裡。其後我已經知道STARBUCK的位置但我沒有出聲,參觀完展覽等緊旅行車期間,我的服務對象就開始罵買STARBUCK只是幾分鐘的時間都唔使1個鐘既時間,你們姑娘又唔比義工同我去買,咁算點呀!而我就由她罵唔駁咀,當她上到車時還講了如果原途經過她會叫司機停車去買,當時我就即刻回應說其實黃大仙中心都有一間,不如返到去先去買,之後她再沒有嘈吵話要買。當回到黃大仙時,我本來要送服務對象落MTR 先自完成服務但已經比服務對象拉去STARBUCK 買野才完成任務。

今次呢個服務,我睇到自己平日湊細佬妹同今次服務都有不一樣體驗。的確需要好多耐性及堅持,當遇到不同事情或問題總要冷靜,絕不能用情緒去解決。過程當中需要好多體力的確好累,但我覺得是值得,至少我今次的得著及體驗又多左一大步。

by Ling Choi


訪問者流量
最後更新日期: 2017 年 06 月 22 日