“與幾個婆婆的小點滴 ~ by Ivan Lee

參加服務名稱:

夏日白茄在家JOY種 (2015年7月–12月)

完咗栽種巳經兩個月lu, 唔知之前探訪過果幾位婆婆唔知點呢。

仲記得頭幾次見佢哋都好活潑,有自己嘅活動,有自己嘅社交圈子。你話佢哋係老人,性格內向?成日諗埋一面?獨僻?佢哋不知幾精靈,成班老頑童噤。登門拜訪人哋要make appointment,要排期架,要睇下有無其他野做你先上得嚟。

不過呢,同佢哋一齊傾下偈都幾開心,一時講下以前,一時講下依家,一時講下將來,咩都講,次次講到overrun, 要其他義工朋友等,果種感覺好舒服,好似同成班fd夜mama係到吹水,吹到俾人趕咁,都幾正架 XD。

臨走之前,我另外一位義工朋友送咗份小禮物俾佢哋,係一件小飾物嚟嘅。呢樣野,分分鐘比依家網上流傳最唔想收到嘅三份禮物更唔想收到(想知係咩自己google)。但好奇怪,班婆婆收到呢份禮物之後好開心。係唔值錢架,係無咩用架,但係大家都咁開心,物輕情義重可能就係咁解。

雖然今次個活動完咗,但係呢段記憶我會記住,我相信婆婆佢哋都一樣。希望唔使幾耐大家會再見面啦!

by Ivan Lee


訪問者流量
最後更新日期: 2017 年 10 月 23 日