在囚服務終於係尋日完滿結束啦
由當初的16人變成宜家的13人
由一班唔團結的人變成事事支持體諒互相幫助
由當初事不關己到宜家每件事都認真著緊上心..

今次服務籌備了4個月,
當中有開心有沮喪
但我從來都冇諗過要放棄
反而係去諗點先可以push到大家
到了服務前的一個月
見到大家包括自己都有所改變
大家會想服務做得更好而變得更加認真
好開心我地終於可以好似一個團隊咁
為左一個相同的目標去努力
We are the best team!!!!

服務當日其實一d緊張都冇
反而好興奮
因為終於要將我地既”心血”表演比人睇
見到服務對象既開心,投入,享受
令我更加肯定服務存在的意義
我唔知佢地接唔接收到我地想帶出的信息
但好似Dennis,呀wang,con咁講,
那怕接收到既只有一個
我地都已經投放出最大的心,盡了最大的努力

表演完後有一個好大的感受
其實好多野都係好在乎你用咩角度用咩心態去睇
你覺得開心有價值自然肯放時間落去肯去做

好開心好開心我地順利而且成功咁做完呢次服務
雖然有好多不捨
畢竟呢4個月入面,我地一齊相處既時間好多
不過呢,我地仲可以係其他服務見面架嘛!!!!!
See you guys!

Jessica
618