學習與實踐 ~ by Ling Choi

有很多人在任何場合任何活動上都曾經做過MC,有些人認為做MC是靠口才就可以,但有些人好多時都唔知從何入手。倘若失手,便會令到場面失色, 自己尷尬。究竟做MC要具備什麼條件及特質先可以做到?

我由小到大都是一個無自信心的人,要我企出來說話的確無可能的事,甚至用逃避去解決。自從轉左新公司後,有好多場合﹑活動上或公司培訓上要我擔當MC的角色,但每次我都一定驚怕萬分及打亂陣腳?後來我慢慢覺得我唔可以再咁樣落去,我要衝破自己的難關,要做一個有準備有信心的MC。

直到今年5月見到有一個“義工交流會” 工作坊是了解交流會流程﹑每一個環節當中的原理及目的,最緊要去為MC及做小組組長去作準備。當上呢個工作坊的時候,其實我已經忘記左大部份的流程,但從每個講解及流程都比自己溫故自身及有個準備。整個交流會工作坊最深刻是所有人閉上眼睛,邊個有意做小組組長或交流會MC請舉手,呢一刻我為左要自己衝破,小組組長及交流會MC都有舉手。結果有一PART再即刻去做實踐,當時我即時反應真的驚,究竟點同拍擋去做呢?當過程中的確有好同唔好的東西,有忽略的地方但從親身去實踐的感覺已經是成功第一步。

之後就報了6月的活動策劃技巧 & Grounding+Debriefing 工作坊,呢個活動是講緊一個活動怎樣由零開始去策劃整個活動,當中有Grounding,活動期間及Debriefing要做及講什麼?我自問就中意做搞手去諗活動,至於Grounding﹑講解遊戲點玩同Debriefing相對我仍然恐懼,但透過呢一堂學到好多SKILLS從而自己有多個計劃去諗及講。當然並不是學完就算,可以運用返策劃活動上面。

隨後我就報左長者溝通技巧工作坊,當中去學習點樣同長者溝通有什麼要注意的地方,原來同長者溝通其實可以從衣﹑食﹑住﹑行幾方面去講,唔係口啞啞唔出聲就算。我學左之後真的對長者又加深一層了解,至少我對家中老人家都有多一個話題以及做服務都得心應手。

最後我報了義工基礎培訓 & 帶領遊戲技巧 工作坊,呢一個是令到我最深刻最令我踏前更大更多步伐其中一個工作坊。除左義工基礎培訓外,還教我們帶領遊戲有什麼東西要留意﹑細節及講解是怎樣?其實對我來說真的不容易,但我仍然繼續前進。我們學完呢堂還有一個DAY CAMP是比我們每一個人從主題去諗及帶一個活動出來,對於我來說挑戰性當然大左,壓力自然也大了。當準備緊期間不斷去搵資料﹑不斷搵人試玩,當中有什麼需要改善的地方。

到左DAY CAMP當日,心情當然緊張,因先後次序又唔知邊個是第一個先,又擔心自己帶的遊戲會帶得好差。後來慢慢深呼吸比自己平靜下來,亦不斷比信心自己話自己無問題一定得既。後來我是第一個人去帶第一個WARM UP GAME,當中分左2組去玩解手,由於我聲線唔夠大聲及信心唔夠,所以我要2組輪流去講解,個人真的辛苦。整個DAY CAMP中睇到不同的人帶的遊戲有什麼好同改善的地方,從而反思到自己今日帶的過程中有些東西需要加以改善及向人學習,我覺得自己雖然有好多東西不足之處,但做第一個出來帶都需要更大勇氣先可以做到。

經過幾次不同類型的工作坊,我已經吸收及學習左好多,係時候要實踐一下我學到的東西。首先是10月義工交流會,我今次第一次去做小組組長,當中的挑戰都算大。因為我今次並非用社員身份去參與而是要落組做小組組長,小組組長代表左一個榜樣,加上今次交流會的確好多準社員參與。如果我作為小組組長都唔太主動及唔投入去參與的,一班準社員都未必主動去分享及參與,所以每一個環節我都要主動講主動邀請準社員分享。當完結整個交流會後,我覺得自己進步了一小步,因為整個交流會中我願意將自己的心得去分享也有鼓勵身邊的人講野。

接著鼠鼠邀請我做8/10長者溝通工作坊的MC,當然我的反應竟然無拒絕反而覺得係時候面對返自己的問題。短短得幾日時間要我準備物資講稿的確唔容易,亦從中找左朋友幫忙做試範再加以改善。做MC前一晚亦收到不同的朋友發信息去支持我,希望我可以發揮最好的表現。到了當日,我的確好緊張但Zenith, Sylvia & 鼠鼠都支持我好多,等我輕鬆一下自己,我想用什麼心態去帶今次的活動同樣人地都用返什麼心態去上今次活動。由帶Grounding開始﹑遊戲﹑講解及總結,我見到自己由緊張的心情變左輕鬆。活動中都有蝦碌的情況出現,甚至也有漏左的情況,幸好鼠鼠不斷係我身邊幫我去互補不足,驅使整個活動都順利完全。
透過一連串的工作坊的確令自己學到好多成長好多,更加會活動事前有兩手準備,唔需要再驚做MC,可以衝破到自己的心理關口,至少我而家夠膽企出來面對任何人先。

倘若其他人一聽到做MC就會驚或唔知點樣準備什麼或有疑問,不坊建議大家報一報工作坊去BILL UP 自己才去實踐做MC或小組組長,自然做任何事上就會得心應手及丐有自信。

by Ling Choi


訪問者流量
最後更新日期: 2017 年 08 月 16 日